СДСМ: Мицкоски треба да се извини за навредите - за криминалот ќе одговара

СДСМ денеска преку соопштение побара премиерот Христијан Мицкоски да им се извини на граѓаните за, како што наведуваат, навредливите изјави што ги упатувал во изминатиот период, оценувајќи дека тие се недостојни за носител на највисоката извршна функција во државата.

— реклама —

Во партиското соопштение се наведува дека Мицкоски со месеци користел навредливи квалификации кон граѓаните и политичките неистомисленици, а како особено спорен го посочуваат неговиот однос кон пратениците во Собранието. Од СДСМ тврдат дека со навредите кон избраните народни претставници се навредуваат и граѓаните кои им ја дале својата доверба.

— реклама —

Партијата оценува дека дополнителна загриженост предизвикува тоа што, според нив, ваквите настапи ги прави заедно со Иван Стоилковиќ, за кого тврдат дека отворено застапува интереси на други држави.

СДСМ смета дека извинувањето е најмалку што Мицкоски им го должи на граѓаните кои, според партијата, биле навредувани затоа што имаат поинакви политички ставови или се залагаат за европската иднина на Македонија.

— реклама —

Во соопштението, СДСМ изнесува и обвинувања поврзани со криминал и корупција, наведувајќи случаи поврзани со тендери, Никола Груевски, Драган Павловиќ Латас, како и објектот „Бела палата“. Од партијата тврдат дека за овие прашања не е доволно извинување, туку дека треба да има одговорност.

— реклама —

На крајот од соопштението, СДСМ порачува дека навредите можат да бидат повлечени со извинување, но дека, според нив, за криминалот мора да следува одговорност.