СДСМ: Народот гледа што Муцунски договори во Софија

СДСМ преку соопштение упати обвинувања до власта во врска со случајот со Ива Михаилова, обвинета во судска постапка за сообраќајна несреќа со смртни последици, која, според партијата, ја преминала границата и покрај тоа што судот ѝ ги одзел двата пасоша.

— реклама —

Од СДСМ тврдат дека граѓаните гледаат дека зад затворени врати се договараат работи што се разликуваат од она што јавно им се соопштува. Во партиското соопштение се посочуваат и средбите на Тимчо Муцунски во Софија.

— реклама —

Според СДСМ, Михаилова изјавила дека границата ја поминала легално, со лична карта, и дека граничните службеници биле запознаени со тоа. Од друга страна, МВР соопштило дека нема евидентиран излез од државата.

Партијата оценува дека случајот отвора сериозни прашања за функционирањето на граничната контрола и за евентуалната одговорност на инволвираните лица. Од СДСМ упатија критики и до премиерот Христијан Мицкоски, министерот за внатрешни работи Панче Тошковски и ВМРО-ДПМНЕ, обвинувајќи ги за пропусти во контролата на границите.

— реклама —

СДСМ побара итна оставка од Тошковски, наведувајќи дека тој треба да понесе одговорност поради, како што тврдат од партијата, низата скандали.

Од партијата бараат да се утврди кој сè е вмешан во случајот и сите одговорни да сносат последици.