„СДСМ не е целосно згасната партија, но мора да помине сериозен филтер“, порача Костадин Костадинов

Поранешниот градоначланик на Струмица Костадин Костадинов, кој го „замрзна“ членството во неговата партија, во објава на ФБ посочува дека СДСМ не е „целосно згасната партија“, но дека СДСМ мора да помине низ „сериозен филтер, реформи и ребрендирање кои ќе му овозможат да остане втората најсилна партија во Македонија“.

— реклама —

Да, СДСМ изгуби. Честитки за победата на ВМРО ДПМНЕ и секако за демократскиот капацитет на нацијата, секаде но особено во Кичево.

— реклама —

Драги мои, не се согласувам со тезата дека СДСМ е целосно згасната партија. Напротив, СДСМ може и мора да помине низ сериозен филтер, реформи и ребрендирање кои ќе му овозможат да остане втората најсилна партија во Македонија.

Нашиот фокус не треба и не може да биде исклучиво, брзо менување на власта. Нашиот фокус мора да биде зајакнување на улогата на СДСМ во рамките на опозицијата,СДСМ отворена за сите, СДСМ платформа во која ќе се најдат што поголем број на помали групи, па дури потоа да стреми кон нешто повеќе.

— реклама —

Време е за длабински анализи, тешки промени, тешки одлуки,дебати и многу, многу работа.

— реклама —

Честитам на сите кои учествуваа на овие избори. Честитам на победниците кои ќе бидат градоначалници, но и на сите кои се најдоа во советите на градовите.