СДСМ: По Мицкоски и неговиот „талог“ за Илинден, денес продолжи ужасното навредување од страна на Стоилковиќ

СДСМ денеска обвини дека продолжува, како што велат од партијата, кампањата со навреди и говор на омраза насочена кон претседателот на СДСМ, Венко Филипче, и кон партијата.

— реклама —

Во партиското соопштение се наведува дека министерот Иван Стоилковиќ преку објава на својот профил на социјалните мрежи промовирал текст со навредлива содржина, во кој, според СДСМ, биле употребени низа навредливи квалификации за Филипче и за партијата.

— реклама —

Од СДСМ тврдат дека ваквиот речник придонесува за ширење омраза и нетрпеливост во јавниот простор и ја обвинуваат владејачката ВМРО-ДПМНЕ за создавање атмосфера што, според нив, може да поттикне насилство.

— реклама —

Партијата во соопштението наведува и дека неодамнешниот напад врз деца во Ново Село е последица на таквата атмосфера, оценувајќи дека институциите треба да реагираат.

СДСМ порача дека говорот на омраза и навредите не смеат да бидат дел од политичката комуникација и побара осуда на ваквите појави.