СДСМ: Поради политиките на Мицкоски, САД ја ставаат Македонија во иста група со Сомалија

Социјалдемократскиот сојуз на Македонија денеска ја обвини власта на Христијан Мицкоски и ВМРО-ДПМНЕ дека ја довеле државата до сериозно влошување на меѓународната позиција, откако Соединетите Американски Држави донеле одлука за суспендирање на обработката на визи за македонските државјани.

— реклама —

Според соопштението на СДСМ, Македонија е опфатена со одлуката заедно со уште 75 земји, меѓу кои се наведуваат Сомалија, Сирија, Гана, Руанда, Бутан, Нигерија, Иран и Русија.

— реклама —

СДСМ потсетува дека ова, според нив, е продолжение на негативните чекори од страна на САД кон Македонија, наведувајќи дека минатата година биле зголемени царините за македонските производи, а сега следува и ограничување на визниот режим.

— реклама —

Од опозициската партија директно ја посочуваат владата предводена од Мицкоски како одговорна за состојбата, оценувајќи дека со своите политики ја довела Македонија во ист ранг со земји со сериозни безбедносни и институционални проблеми.

„Толку е периметарот на Мицкоски – ја доведе Македонија во ранг со Сомалија“, се наведува во соопштението на СДСМ.