СДСМ: Повторно поскапување на горивата – според Мицкоски граѓаните „нема да го почувствуваат“ бидејќи сме „трета економија во Европа“

СДСМ преку соопштение реагира на најновото зголемување на цените на горивата, обвинувајќи ја Владата дека не презела мерки за да го ублажи ударот врз граѓаните.

— реклама —

Од денеска, бензините поскапуваат за 4,5 денари за литар, додека цената на дизелот се зголемува за 6,5 денари.

— реклама —

Од опозициската партија велат дека Владата немала ниту навремена, ниту актуелна интервенција за заштита на животниот стандард. Според СДСМ, не е направено намалување на акцизата, ниту е преземена привремена мерка за ублажување на поскапувањето.

Од СДСМ оценуваат дека повисоките цени на горивата ќе се одразат врз цените на основните производи, трошоците на земјоделците и транспортот, како и врз граѓаните кои секојдневно патуваат до работното место.

— реклама —

Партијата ја критикува и економската политика на Владата, посочувајќи дека додека премиерот Христијан Мицкоски зборува за економскиот раст и „трета економија во Европа“, граѓаните се соочуваат со повисоки трошоци.

Од СДСМ порачуваат дека ефектите од поскапувањето граѓаните ги чувствуваат во секојдневниот живот, преку повисоките сметки и трошоци, оценувајќи дека „вистинската статистика“ се гледа на пумпите, на касите и во семејните буџети.