СДСМ обвини дека граѓаните се соочуваат со постојани поскапувања, додека платите, според партијата, не го следат растот на животните трошоци.
Во партиското соопштение се наведува дека во изминатиот период се зголемиле цените на парното, електричната енергија, горивата и данокот на имот, додека, како што тврдат од СДСМ, платите остануваат непроменети.
Од партијата посочуваат и дека потрошувачката кошничка е зголемена, а изнесуваат и критики за состојбата во земјоделството, наведувајќи дека земјоделците се соочуваат со недостиг на субвенции, намален откуп и повисоки трошоци за производство.
СДСМ, исто така, тврди дека европската интеграција на државата е во застој и упати критики кон економските политики на Владата и премиерот Христијан Мицкоски.
Од Владата засега нема реакција на овие наводи.
