СДСМ со критики до Ѓорѓиевски: Ова не е управување, туку циркуска претстава со скапи реквизити

Градот Скопје, под водство на Орце Ѓорѓиевски, има јасно поставени приоритети. Прво – вештачка интелигенција што изработува билборди со грешки. Потоа – дрон што од воздух бара пена во реката, велат од СДСМ.

— реклама —

„А во меѓувреме – Орбанови автобуси платени за 8.000 евра повеќе од пазарната цена. Или за 1.2 милиони евра повеќе од последниот тендер кој пропадна.

— реклама —

Додека во шест града граѓаните се соочуваат со загадена вода, а по Лепенец и Вардар плови бела пена, градоначалникот пушта дронови и глуми загриженост.

Скопје не доби чиста вода. Скопје не доби чисти реки. Скопје доби депонии. Скопје доби прескапи автобуси, билборди со грешки и дрон што треба да го открие она што секој граѓанин може да го види со голо око.

— реклама —

Ова не е управување со градот.

— реклама —

Ова е циркуска претстава со скапи реквизити“, се вели во соопштението.