СДСМ со лагите ги оштетува Скопје и скопјани, градот има активен договор за горива, вели Град Скопје

Градот Скопје ги демантира лажните информациите пласирани во јавноста од СДСМ дека Противпожарната бригада е без гориво.

— реклама —

„За точно информирање на јавноста, сакаме да истакнеме дека актуелниот договор за гориво, сеуште не е исцрпен, односно има важност до 05.06.2022 година. Градот Скопје навреме ја почна процедурата за нов договор кој е потпишан, со што се обезбедува континуирано и редовно снабдување со гориво на градските служби и Противпожарната бригада.

— реклама —

— реклама —

Дополнително, сакаме да истакнеме дека Градот Скопје и Противпожарната бригада имаат предвидено и резерви за непречено функционирање, со што во ниту еден момент не е доведено во прашање нивното ефикасно функционирање.

— реклама —

Апелираме да не се манипулира со јавноста особено кога е во прашање работата на Противпожарната бригада, чие непречено функционирање е од огромно значење по сигурноста и безбедноста на скопјани“, вели Град Скопје.