СДСМ: Среде епидемијата во Гостивар дежура само еден инфектолог, Мицкоски и Клековски на екскурзија

СДСМ обвини дека здравствениот систем во Гостивар не е подготвен да се справи со последиците од, како што наведуваат, епидемијата предизвикана од загадена вода.

— реклама —

Од партијата тврдат дека во гостиварската болница дежура еден специјалист инфектолог, четворица специјализанти и дерматолози, оценувајќи дека тоа не е доволно за справување со зголемениот број пациенти.

— реклама —

Според СДСМ, дел од пациентите од Гостивар се префрлаат на лекување во Тетово, додека, како што велат, сè уште нема официјален документ со кој се потврдува дека водата е технички исправна.

Во соопштението, партијата наведува дека министерот за внатрешни работи Панче Тошковски најавил нови анализи на водата, што, според нив, покажува дека досегашните проверки не биле доволни.

— реклама —

СДСМ упати критики и до премиерот Христијан Мицкоски и министерот за здравство Сашо Клековски, оценувајќи дека Владата не реагира соодветно на состојбата.

„Граѓаните се трујат. Болницата е преоптоварена. Пациентите се возат во друг град. Ова не е кризна состојба, ова е целосен колапс на одговорноста“, се наведува во соопштението на СДСМ.