Од СДСМ преку соопштение обвинија дека, и покрај бројните оправдувања и префрлањето на вината, институциите сè уште не презеле одговорност за случајот со загадената вода во Гостивар.
Од партијата посочуваат дека министерот за здравство Сашо Клековски признал оти институциите не реагирале навреме бидејќи, како што наведуваат, не го забележале алармот, што според СДСМ претставува потврда за институционален пропуст.
Според СДСМ, никој од надлежните институции досега не презел одговорност за случувањата, а власта, наместо да понуди одговори, се обидува вината да ја префрли на други.
Во партиското соопштение се наведува дека доколку ваков случај се случел во земја-членка на Европската Унија, надлежните веќе ќе давале искази пред обвинител и ќе биле покренати соодветни постапки.
СДСМ исто така обвинува дека правосудниот систем е под политичко влијание и дека поради тоа нема институционална одговорност, додавајќи дека граѓаните се соочуваат со последиците, додека никој од надлежните не сноси одговорност.
