СДСМ: Владата позајмува 7 милиони евра од Македонска навигација - уште еден доказ дека касата е празна

Владата донесе одлука да земе краткорочен заем од 7 милиони евра од Македонска навигација (М-НАВ), велат од СДСМ.

„Ова е уште еден јасен доказ дека во буџетот нема пари.

— реклама —

Затоа Христијан Мицкоски со денови бараше алиби за предвремени избори.

Но не можеше да се извлече од реконструкцијата на Владата - затоа што тоа би било директно признание дека работите се распаѓаат.

Сега мора да чека „поволен момент“ за да ги распише.

— реклама —

Резултати нема. Економијата е во колапс. Европскиот пат е целосно заглавен. Изолацијата е комплетна.

Пари од претпристапните фондови на ЕУ нема и нема да има.

— реклама —

Во буџетот наскоро нема да има ни за пензии. Затоа министерката за финансии призна дека немало ребаланс што беше најавен како „инвестициски“ наместо „кризен“.

Инвестициски во што?

Во пензии.

— реклама —

Кога државата почнува да позајмува од сопствените јавни претпријатија за да преживее од месец до месец, повеќе нема простор за пропаганда и спинови.

Касата е празна а одговорноста е целосно на Мицкоски и организираната криминална група ВМРО“, се вели во соопштението.