Додека во шест населени места водата е неисправна за пиење, а низ Лепенец и Вардар тече бела пена, ВМРО-ОКГ продолжува со истата тактика: не прифаќаат никаква одговорност и упорно ја обвинуваат опозицијата. Сега велат дека СДСМ прави „хистерија“ за да дефокусира, велат од СДСМ.
„Oд што да дефокусира? Од изјавата на Тимчо Муцунски дека Протоколите не се дел од преговарачката рамка?
Не.
Хистерија е да ја обвинуваш опозицијата додека граѓаните не смеат да ја пијат водата од чешма.
Хистерија е кога министер за здравство наместо да ја преземе одговорноста, ги обвинува и навредува професорите и лекарите затоа што ја кажуваат вистината.
Хистерија е да пушташ дронови и да менуваш министри, а никој да не поднесе одговорност.
Хистерија е да тврдиш дека проблемот е од „претходниот систем“, додека ти си на власт веќе две години и водата се труе токму сега.
Мицкоски и организираната криминална група ВМРО не сакаат да прифатат одговорност. Уште полошо - упорно ја префрлаат вината на други.
Колку повеќе се бранат, толку подлабоко тонат.
Кризата со отруената вода веќе не може да се сокрие зад обвинувања.
Граѓаните ја пијат. Или поточно - не смеат да ја пијат“, се вели во соопштението.
