Вчера се ловеа возачи на мотори: Над 100 се казнети во Скопје за осум саати!

Во засилена акциска контрола спроведена во Скопје, полицијата санкционирала 105 возачи на мотоцикли, велосипеди со помошен мотор, трицикли и четирицикли, при што најголем дел од прекршоците се однесуваат на неносење заштитен шлем.

— реклама —

Контролата била реализирана на 25 април во периодот од 12 до 20 часот на подрачјата на Центар, Аеродром, Бит Пазар и Чаир, од страна на Одделението за безбедност на патниот сообраќај при СВР Скопје.

Од вкупно санкционираните, 50 возачи биле казнети за возење без кацига, 11 за управување велосипед со помошен мотор без соодветна потврда, додека еден возач бил санкциониран за управување мотоцикл со несоодветна категорија.

— реклама —

Полицијата изрекла и една мерка за управување нерегистриран мотоцикл, осум санкции за неносење сообраќајна дозвола, една мерка за движење по несоодветна површина, како и 33 санкции за други видови прекршоци.

— реклама —

За време на контролата, привремено бил одземен еден мотоцикл кој бил нерегистриран повеќе од шест месеци.

Од Министерството за внатрешни работи информираат дека ваквите сообраќајни контроли ќе продолжат и во наредниот период.

— реклама —

„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, соопштија од МВР.