Демократската унија за интеграција изразува крајно негодување од однесувањето на бројни политички партии, кои преку своите јавни настапи извршија длабока политизација на случајот со Артан Груби. Без разлика на политичките разлики, неприфатливо е правните процеси да се водат надвор од институционалната и правната рамка што е уставно загарантирано, велат од ДУИ.
„Изминативе два дена сведочиме на тоа како политичките партии, нивни високи претставници и активисти, преку соопштенија и други јавни настапи, создаваат атмосфера на хистерија и линч преку однапред дефинирана пресуда. Тие целосно ја преземаат улогата на обвинители и
судии, расфрлајќи се со мерки за претпазливост, јавно повикуваа на линч на претставниците на обвинителството и судот, без никакво елементарно почитување на принципот на пресумпција на невиност. Ова особено што тоа го прават и партии кои се дел од Власта, што упатува на директно мешање од страна на извршната врз судската власт.
Веќе го реафирмираме нашиот став, дека секој поранешен или актуелен функционер, за кого постои сомневање при извршувањето на функцијата, треба да се соочи со институциите и постапките пред домашните органи. Токму затоа ја сметаме позитивна одлуката на Артан Груби да се пријави на правосудните органи, и преку институционалните форми да ги соочи
аргументите на својата одбрана. Но тоа преставува логичен став само доколку во исто време државата гарантира фер, непристрасна и транспарентна процедура, ослободена од партиски влијанија и политички притисоци.
Упатуваме јасен повик до судот, обвинителството и сите надлежни органи да не потпаѓаат под политички притисоци и да постапуваат исклучиво врз основа на закон и докази. Независноста на правосудниот систем е темел на владеењето на правото и уставна обврска, а не предмет на толкување од стана на јавноста, уште помалку од политичките партии. Оттука сакаме да
повториме дека очекуваме процесот да се одвива со целосно почитување на пресумпцијата на невиност, процесните права и достоинството на секое лице вклучено во постапката.
Демократската унија за интеграција ќе продолжи внимателно да ја следи целата постапка во сите нејзини фази и ќе реагира на секој обид за селективност, двојни стандарди или политичка инструментализација на правдата“, се вели во соопштението.
Се огласија од ДУИ, го бранат Груби и обвинуваат за „хистерија“ - бараат да се почитува невиноста додека не се докаже спротивното
објавено пред 2 месеци -
Македонија
ДУИ изразува негодување што повеќе партии го политизирале случајот со Артан Груби, создавајќи „хистерија и линч“ и однапред пресуда, со што, според нив, се нарушува пресумпцијата на невиност и се врши притисок врз судството, особено кога тоа доаѓа и од партии во власта. ДУИ вели дека секој функционер под сомневање треба да се соочи со институциите и ја оценува позитивно одлуката на Груби да се пријави, но бара фер, непристрасна и транспарентна постапка. Ги повикува судот и обвинителството да постапуваат само по закон и докази и најавува дека ќе ја следи постапката и ќе реагира на селективност или политичка инструментализација.
Текстот е автоматски генериран со помош на вештачка интелигенцијаПоврзани содржини
Се гради казино кај гробиштата во Блаце, гробишта не се место за коцкање, вели ДУИ
Македонија | пред 1 ден
„Неспособна, антиалбанска, антиевропска и последниот руски прокси во регионот“, партијата на Ахмети „удира“ по Владата
Македонија | пред 5 дена
ДУИ бара итна оставка на Изет Meџити: Да не го држи народот во заложништво поради своите лични грешки
Македонија | пред 6 дена
Пак се прават „лом“ за полагањето на правосуден на албански јазик: За ВЛЕН е крив Џафери, за ДУИ криви се ВЛЕН
Македонија | пред 1 седмица
