Се подготвува најсилниот удар досега: ЕУ најавува нови санкции против Русија

Европската Унија подготвува нов, досега најсеопфатен пакет санкции против Русија, кој би можел значително да го зголеми бројот на руски компании, организации и поединци опфатени со европските мерки. Најавата ја даде високата претставничка на ЕУ за надворешна политика, Каја Калас, во интервју за германскиот весник „Ди Велт“.

— реклама —

Калас најави дека за есен предлага „најдалекусежна“ листа на санкции од почетокот на војната во Украина. Доколку пакетот биде усвоен, вкупниот број санкционирани руски субјекти би се зголемил за една третина. Таа не откри детали за тоа кои конкретни лица и организации би биле опфатени, ниту кога точно би бил претставен пакетот.

— реклама —

— реклама —

Според Калас, досегашните санкции на ЕУ веќе ја чинеле руската воена машина повеќе од еден билион евра. Таа порача дека притисокот врз Москва мора да продолжи да се зголемува сè додека Русија не ја прекине војната.

— реклама —

ЕУ во јули го усвои последниот пакет санкции против Русија, со дополнителни ограничувања насочени кон банкарскиот сектор и мрежи поврзани со криптовалути. Новите мерки би претставувале дополнително заострување на европскиот економски и политички притисок врз Москва.