Се помалку приговори од „Сејф сити“: драстичен пад на поплаки од системот за казнување

Бројот на поднесени приговори за прекршоци евидентирани преку системот „Safe City“ значително е намален во март, информираат од Основниот кривичен суд Скопје.

— реклама —

Според податоците, во март 2026 година до судот се поднесени вкупно 65 приговори, од кои 22 од правни лица и 43 од физички лица. Во споредба, во февруари биле поднесени 476 приговори, односно 431 од правни и 45 од физички лица.

— реклама —

— реклама —

Од судот посочуваат дека веќе се завршуваат и предметите по претходно поднесените приговори, при што во текот на март со пресуда се решени 92 предмети.

За овие предмети постапуваат 16 судии од одделот за прекршоци, а сите поднесени приговори се заведуваат навремено и во рок од осум дена се доставуваат до Министерството за внатрешни работи за нивно произнесување, што е предуслов за понатамошна постапка.