Се судрија „ауди“ и мопед во Скопје, двајца со повреди пренесени во болница

Вчера попладне, во 17.00 часот во СВР Скопје било пријавено дека на крстосницата од улицата „Шуто Оризари“ и улицата „Бутелски венец“ во Скопје се случила сообраќајна несреќа помеѓу патничко возило „ауди“ со скопски регистарски ознаки, управувано од Р.Х.(67) и мопед со скопски регистарски ознаки, управуван од О.З.(57), двајцата од Скопје.

Во несреќата со тешки телесни повреди се здобила сопатничката од мопедот, Б.З.(54) од Скопје, а возачот на мопедот се здобил со телесни повреди, констатирани во Градската општа болница „8 Септември“.

— реклама —

Извршен бил увид од увидна екипа од СВР Скопје.