„Ауди“ најави дека во есента 2026 година ќе го претстави новиот Ауди А2 е-трон, целосно електричен модел од компактната класа.
Возилото ќе се произведува во Инголштат, а компанијата наведува дека целта е премиум електричната мобилност да стане подостапна за поширок круг купувачи.
Прототипот моментално минува низ интензивни тестирања во различни услови. Зимските тестови се спроведуваат во Лапонија, каде што се испитуваат перформансите на батеријата, управувањето и однесувањето на возилото при екстремно ниски температури.
Аеродинамиката се тестира во воздушен тунел во Инголштат, при брзини на ветер до 300 километри на час, додека дополнителни тестирања на суспензијата и системите за помош на возачот се вршат на патиштата во баварскиот регион Алтмилтал.
Претседателот на „Ауди“, Гернот Долнер, изјави дека А2 е-трон ќе биде следниот голем чекор кон целосно електричната иднина на брендот.
