Работна машина – багер била опожарена во кругот на фирма за отпад на подрачјето на Шуто Оризари, соопшти Министерството за внатрешни работи.
Настанот бил пријавен на 1 јули во 22:35 часот во СВР Скопје. На местото интервенирала Бригадата за противпожарна заштита, која успеала да го локализира и изгасне пожарот.
Според МВР, во пожарот нема повредени лица.
Полициски службеници излегле на местото на настанот, а во текот на денот ќе биде извршен увид. Се преземаат мерки за целосно расчистување на случајот.
