Седум лица приведени во Скопје и гостиварско, кај нив пронајдена дрога

Седум лица биле лишени од слобода во изминатото деноноќие во Скопје и гостиварско, откако кај нив била пронајдена и одземена дрога, информираат од Министерството за внатрешни работи.

На 20 јуни во 10:30 часот, на подрачјето на Бит Пазар во Скопје, полициски службеници од СВР Скопје го привеле Ф.С. (21) од Скопје, кај кого била пронајдена марихуана.

— реклама —

Истиот ден, во 12:20 часот во Карпош, бил приведен и М.Р. (23) од Скопје, откако кај него била пронајдена прашкаста материја.

— реклама —

Во 19:40 часот, на подрачјето на Гази Баба, полициски службеници го лишиле од слобода С.Р. (29) од Скопје, кај кого исто така била пронајдена марихуана.

Во раните утрински часови на 21 јуни, околу 03:00 часот во Центар, бил приведен А.Ч. (22) од Скопје, кај кого била пронајдена бела грутчеста материја.

— реклама —

Претходно, на 20 јуни во 23:50 часот на Бит Пазар, бил приведен Х.А. (25) од Скопје поради поседување марихуана, а на 21 јуни во 00:45 часот, на истото подрачје, бил лишен од слобода и Е.О. (22) од Скопје, кај кого исто така била пронајдена марихуана.

— реклама —

Во гостиварско, на 20 јуни во 17:30 часот во селото Палчиште, полициски службеници од Полициското одделение Камењане го привеле Л.С. (21) од село Долно Палчиште. Според МВР, откако ги забележал полициските службеници, тој фрлил пакување со марихуана, кое подоцна било пронајдено и одземено.

Од МВР информираат дека по целосното документирање на случаите, против сите приведени ќе бидат поднесени соодветни пријави.