Шеесет и тригодишен жител на Тетово, како полномошник на својата мајка, пријавил во полиција злоупотреба на платежна картичка и неовластени трансакции од нејзината банкарска сметка.
Како што информира СВР Тетово, пријавата била поднесена на 7 јули околу 09:30 часот. Според наводите, на 3 јули пријавителот забележал дека од трансакциската сметка на неговата мајка недостигаат 8.148 денари.
Проверката покажала дека биле извршени седум неовластени онлајн уплати, поради што случајот бил пријавен како кривично дело „издавање чек без покритие и злоупотреба на платежна картичка“.
Од СВР Тетово соопштија дека се преземаат мерки за целосно расчистување и документирање на случајот.
