Седум случаи на семејно насилство за едно деноноќие, три лица приведени

Вкупно седум случаи на семејно насилство се пријавени во изминатото деноноќие, при што три лица се лишени од слобода, информира Министерството за внатрешни работи.

Во гостиварско село, на 22 март во 00:30 часот, полицијата го привела 43-годишниот Б.С., откако неговата сопруга пријавила дека физички ја нападнал во семејниот дом. По документирање на случајот ќе следува соодветна пријава.

— реклама —

Во Неготино, на 21 март во 16:20 часот, приведен е 73-годишен маж кој физички ја нападнал својата 72-годишна сопруга со тврд предмет, а ѝ се заканувал и на нивната 26-годишна ќерка. При интервенцијата било утврдено дека бил под дејство на алкохол, со измерени 1,20 промили во крвта.

— реклама —

Во Скопје, истиот ден во 13:05 часот, полицијата го лишила од слобода 37-годишниот И.К., по пријава од неговата 19-годишна партнерка дека ја нападнал и ѝ упатувал закани по животот.

Дополнително, во Гевгелија, 31-годишна жена пријавила дека била физички нападната од својот сопруг во семејниот дом. Сличен случај е пријавен и во Струмица, каде 37-годишна жена пријавила напад од сопругот.

— реклама —

Во Скопје се пријавени уште два случаи – 43-годишна жена пријавила дека била нападната од сопругот во домот, додека 48-годишна жена пријавила дека претходно била нападната од својот сопруг, кој ја оттурнал по скалите во куќата, при што ѝ била укажана медицинска помош.

— реклама —

Од МВР информираат дека за сите случаи се преземаат мерки за нивно целосно расчистување и дека по документирање ќе следуваат соодветни пријави.