Седум возачи биле лишени од слобода на различни локации низ државата во изминатото деноноќие, откако полицијата утврдила дека управувале возила без положен возачки испит. Со уште едно малолетно лице бил извршен службен разговор поради управување мотоцикл без возачка дозвола, соопшти Министерството за внатрешни работи.
Меѓу лишените од слобода се 28-годишниот А.С. и 17-годишник, двајцата од Скопје, 20-годишниот А.А. од Арачиново, 17-годишник од Орешани, општина Зелениково, 24-годишниот Џ.В. од Битола, 24-годишниот Б.М. од Добовјани, струшко, и 16-годишник од Мала Речица, тетовско.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Против нив постојат основи на сомнение за сторено кривично дело „безобѕирно управување возило“, предвидено во член 297-а од Кривичниот законик.
Дополнително, полициски службеници од СВР Велес извршиле службен разговор со 17-годишник од Велес, во присуство на бранител, бидејќи управувал мотоцикл без возачка дозвола.
Од МВР информираат дека по целосното документирање на случаите ќе бидат поднесени соодветни кривични пријави.
