Седум возачи приведени за безобѕирно возење: Меѓу нив малолетник и лице со активна забрана

Во текот на изминатото деноноќие, полициските службеници на територијата на целата држава лишиле од слобода седум возачи поради безобѕирно управување со моторни возила, информира Министерството за внатрешни работи.

— реклама —

Според МВР, шестмина од приведените управувале возила без да поседуваат возачка дозвола, при што меѓу нив имало и малолетно лице. Четири случаи биле регистрирани во Скопје, а по еден во Крива Паланка и Прилеп, каде што било затекнато малолетно лице зад воланот.

— реклама —

Дополнително, во Скопје бил лишен од слобода и возач кој управувал возило и покрај тоа што имал активна забрана за управување.

— реклама —

По целосното документирање на случаите, против сите лица ќе бидат поднесени соодветни кривични пријави.

— реклама —

Од МВР повторно апелираат до граѓаните да ги почитуваат сообраќајните правила и прописи, да не седнуваат зад волан без положен возачки испит, доколку имаат изречена забрана за управување или доколку се под дејство на алкохол, со цел заеднички да се придонесе кон поголема безбедност во сообраќајот.