Седум возачи приведени за едно деноноќие: Возеле пијани, без дозвола или со забрана

Полициските службеници во текот на изминатото деноноќие лишиле од слобода седум возачи на територијата на државата поради безобѕирно управување со моторни возила, соопшти Министерството за внатрешни работи.

— реклама —

Според информациите на МВР, тројца од приведените управувале возила без да поседуваат возачка дозвола, тројца возеле под дејство на алкохол, додека едно лице управувало возило и покрај тоа што му била изречена забрана за управување.

Во Скопје, Кавадарци и Охрид биле затекнати лица кои возеле без положен возачки испит. Од нив, лицето во Охрид предизвикало и сообраќајна несреќа во која едно лице се здобило со повреди.

— реклама —

Во Виница, Прилеп и Скопје биле приведени возачи кои управувале возила под дејство на алкохол.

— реклама —

Дополнително, во Кичево било лишено од слобода лице кое управувало возило иако за него била изречена активна забрана за управување.

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Воедно, Министерството апелира до сите учесници во сообраќајот да ги почитуваат сообраќајните правила и прописи, да не управуваат возила без возачка дозвола, доколку имаат изречена забрана за возење или доколку се под дејство на алкохол, со цел зголемување на безбедноста во сообраќајот.