Шефот на НАТО со порака до младите Руси: Размислете двапати пред да одите во војна

Генералниот секретар на НАТО, Марк Руте, изјави дека Украина бележи значајни успеси со нападите со беспилотни летала врз цели во Русија, особено врз нафтената и енергетската инфраструктура.

— реклама —

Одговарајќи на новинарски прашања на самитот на НАТО во Анкара, Руте оцени дека нападите веќе имаат конкретни последици врз секојдневниот живот во Русија.

— реклама —

„Украинците очигледно беа многу успешни, особено со нападите врз руските рафинерии. Тоа веќе влијае врз луѓето што одат на бензинските пумпи. Вчера видовме информации дека биле поставени мобилни тоалети бидејќи луѓето чекале гориво цела ноќ“, рече Руте.

Тој испрати и директна порака до младите Руси кои размислуваат да се приклучат на војната.

— реклама —

„Рускиот претседател е подготвен да жртвува и до 35.000 свои млади луѓе во оваа луда и неиспровоцирана војна против Украина. Затоа им порачувам на сите млади Руси да размислат уште еднаш. Можеби токму вие ќе бидете меѓу тие десетици илјади загинати, бидејќи вашиот претседател очигледно не се грижи за вас и е подготвен да ве жртвува“, изјави Руте.

Тој додаде дека САД, Европската Унија и Обединетото Кралство тесно соработуваат во подготовката на нов пакет санкции против Русија.