(Фото) „Секој ден се зголемува“: Див отпад кај паркингот до градинката „Калинка“

Жители на Општина Аеродром алармираат дека веќе цела недела се трупа отпад на паркингот зад „Тобако 2“, во близина на градинката „Калинка“, а од надлежните, според нив, сè уште нема реакција.

— реклама —

Во објава во групата „Општина Аеродром – Пријави Проблем“ е наведено дека купот отпад секојдневно се зголемува и веќе почнува да личи на мини-депонија.

— реклама —

— реклама —

„Цела недела само се зголемува и се претвора во мини депонија, сè уште нема никаква реакција од надлежните. Позади Тобако 2, паркингот кај градинката Калинка“, стои во објавата.

Граѓаните бараат локацијата што поскоро да биде расчистена, особено поради близината на детската градинка и фактот што отпадот, според нив, со денови се натрупува.