Серија насилни инциденти во Македонија: Мајка ја нападнала ќерката со тврд предмет, ученик претепан од соученик, маж ја тепал сопругата

Повеќе случаи на физички напади врз малолетници и возрасни лица биле пријавени во полицијата, а во два од случаите се поднесени кривични пријави за телесна повреда и непочитување судска одлука, информира Министерството за внатрешни работи.

— реклама —

На 21 октомври, 41-годишен скопјанец пријавил дека неговата малолетна ќерка била физички нападната од друга малолетничка во сендвичарница во Ѓорче Петров. Според пријавата, нападот се случил ден претходно, околу 15 часот.

— реклама —

Истиот ден, 36-годишен скопјанец пријавил дека неговиот малолетен син бил физички нападнат од соученик на подрачјето на Карпош на 19 октомври. Полицијата презема мерки за расчистување на двата случаи.

Во Берово е поднесена кривична пријава против 52-годишна жена од селото Ратево, осомничена за телесна повреда и неизвршување судска одлука. Според МВР, на 9 октомври таа со тврд предмет ја нападнала својата малолетна ќерка, со што не постапила според решение на Основниот суд во Берово донесено во постапка за заштита на права.

— реклама —

Во Скопје, пак, 18-годишник пријавил дека на подрачјето на Центар бил физички нападнат од две лица што ги познавал. Настанот бил пријавен на 21 октомври, околу 18:50 часот, а полицијата презема мерки за расчистување.

Кривична пријава е поднесена и против 46-годишен жител на гостиварско, осомничен за телесна повреда. Според пријавата, на 5 септември во семејниот дом физички ја нападнал сопругата, при што употребил и разни предмети.