Серија пријавени физички напади низ Скопје: Во еден ден пријавени напади во Аеродром, Волково и Бит Пазар

Во изминатите два дена во Скопје и околината се регистрирани повеќе случаи на физички напади, информираат од Министерството за внатрешни работи.

На автобуска постојка на Бит Пазар, 15-годишно момче било нападнато од двајца малолетници. Случајот го пријавила неговата мајка, а полицијата работи на откривање на сторителите.

— реклама —

Во општина Аеродром, 41-годишна жена била нападната во својот стан од поранешен вонбрачен партнер, додека 19-годишна скопјанка во истата општина пријавила дека била нападната од жена по расправија во сообраќајот.

Во друг случај, 86-годишна жена од скопско село пријавила дека била нападната од сопствената ќерка, а во Волково 30-годишна жена посочила дека нејзиниот пријател бил претепан од две лица.

— реклама —

Напад бил пријавен и на Бит Пазар, каде 54-годишен скопјанец бил физички нападнат од едно лице.

Од МВР велат дека за сите инциденти се преземаат мерки за расчистување на случаите и утврдување на одговорноста.