Шест пријави за семејно насилство за едно деноноќие, тројца приведени

Во текот на изминатото деноноќие полицијата регистрирала шест случаи на семејно насилство, при што три лица биле лишени од слобода, соопшти Министерството за внатрешни работи.

— реклама —

Најсериозниот случај бил пријавен во скопската населба Гази Баба, каде што 36-годишен маж бил приведен откако физички ги нападнал својата сопруга и нејзината мајка, при што употребил тврд предмет, се заканувал со остар предмет и оштетувал покуќнина. Според пријавата, тој намерно го пуштил и своето куче, кое го каснало братот на сопругата кога дошол да помогне.

Во Ѓорче Петров, 43-годишна жена пријавила дека била физички нападната од сопругот, додека во друго скопско населено место 54-годишна жена пријавила физички напад од нејзиниот 64-годишен сопруг.

— реклама —

На подрачјето на Бит Пазар бил приведен 36-годишен скопјанец кој, според пријавата, со остар предмет им се заканувал на својата мајка и сестра.

— реклама —

Полицијата интервенирала и по семеен конфликт во Бит Пазар, каде по расправија меѓу членови на едно семејство биле пријавени повеќе физички напади меѓу роднини.

Во Велес, пак, бил приведен 43-годишен маж по пријава од неговата поранешна сопруга, која забележала повреда кај нивното дете по викенд поминат со таткото. За случајот бил известен јавен обвинител.

— реклама —

Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.