Шестгодишно дете тешко повредено во судир со мотоцикл во Добрушево

Од СВР Битола информираат дека на 13.05.2026 во 12:50 часот било пријавено дека во селото Добрушево, општина Могила, се случила сообраќајна несреќа помеѓу мотоцикл без регистарски ознаки, управуван од Х.Т.(30), и електричен тротинет управуван од шестгодишно дете, двајцата од селото Добрушево.

— реклама —

Во несреќата со тешки телесни повреди се здобило детето, додека мотоциклистот се здобил со телесни повреди. Повредите биле констатирани во Клиничка болница Битола.

— реклама —

— реклама —

Полициски службеници го лишиле од слобода Х.Т., бидејќи при увидот било утврдено дека мотоциклот бил нерегистриран, а тој управувал без возачка дозвола.

По целосно документирање на случајот ќе следува соодветна пријава.