Шест малолетници ограбиле едно лице со остар предмет

Шест малолетници од Скопје биле лишени од слобода поради сомнение дека извршиле разбојништво и се обиделе да извршат уште едно разбојништво.

— реклама —

Според МВР, на 4 октомври околу 22 часот, полициски службеници од СВР Скопје ги привеле шесте малолетници на подрачјето на Општина Центар.

— реклама —

Тие се сомничат дека со закана од еден малолетник одзеле пари, при што еден од нив употребил и остар предмет. Во истиот случај, според пријавеното, се обиделе да одземат пари и од друг малолетник.

— реклама —

Од МВР информираат дека по целосното документирање на случајот, Единицата за внатрешни работи Центар и Бит Пазар при СВР Скопје ќе поднесе кривична пријава.

Пријавата ќе биде поднесена поради постоење основи на сомнение за сторени кривични дела „разбојништво“ и „разбојништво во обид“, предвидени во член 237 и член 237 во врска со член 19 од Кривичниот законик.