Шест возачи лишени од слобода за безобѕирно управување со возило

Шест возачи биле лишени од слобода во изминатото деноноќие на различни локации во Македонија поради сомнение за безобѕирно управување со моторно возило, соопшти Министерството за внатрешни работи.

— реклама —

Четворица од нив управувале возило без положен возачки испит. Станува збор за 32-годишниот Ф.К. од селото Страхојадица, скопско, 18-годишните З.Ј. и К.Б. од Скопје, како и 37-годишниот А.А. од Кочани, кој претходно учествувал во сообраќајна несреќа.

— реклама —

— реклама —

Полицијата го лишила од слобода и 44-годишниот Г.Ј. од селото Оризари, кочанско, кој управувал возило под дејство на алкохол, како и 50-годишниот С.П. од Охрид, кој возел и покрај активната забрана за управување со моторно возило.

По целосното документирање на случаите, против шестмината ќе бидат поднесени соодветни кривични пријави.