Шестгодишно дете кое било сопатник на електричен тротинет тешко повредено во сообраќајка во Скопје

Шестгодишно дете се здобило со тешки телесни повреди во сообраќајна несреќа меѓу автомобил и електричен тротинет што се случила вчера попладне во Скопје.

— реклама —

Според информациите од МВР, несреќата била пријавена на 19 октомври во 18:05 часот, на крстосницата меѓу улиците „Лек Дукаѓини“ и „Клинска Леса“. Во неа учествувале патничко возило „фолксваген“, управувано од 22-годишниот З.Б. од Скопје, и електричен тротинет, управуван од 11-годишно дете.

— реклама —

— реклама —

Во несреќата тешко бил повреден шестгодишниот сопатник на тротинетот. Повредите биле констатирани во Ургентниот центар при Комплексот клиники „Мајка Тереза“ во Скопје.

Увид на местото на несреќата извршила екипа на СВР Скопје.