Силен земјотрес го погоди Авганистан

Силен земјотрес со јачина од 6,0 степени според Рихтеровата скала во неделата навечер ја погоди планинската област Хиндукуш на североистокот на Авганистан, во близина на границата со Пакистан, соопштија американските сеизмолози.

— реклама —

Епицентарот на потресот, кој се случил во 23:47 часот по локално време, бил на релативно мала длабочина од 10 километри и на 42 километри од градот Џалалабад, соопшти Американскиот геолошки завод.

— реклама —

— реклама —

Засега властите не известуваат за жртви или материјална штета.

Авганистан често е погоден од земјотреси, особено во регионот Хиндукуш, кој се наоѓа во зоната каде што се сретнуваат евроазиската и индиската тектонска плоча.