Силен земјотрес со јачина од 6,5 степени ја погоди Камчатка

Земјотрес со магнитуда од 6,5 степени според Рихтеровата скала е регистриран на рускиот полуостров Камчатка, а во некои области потресите биле почувствувани со интензитет до пет степени, соопшти руското Министерство за вонредни ситуации.

— реклама —

Според соопштението објавено на платформата Макс, потреси со интензитет до четири степени биле почувствувани во одделни делови на Петропавловск-Камчатски, Уст-Камчатскиот и Алеутскиот округ. Во Вилјучинскиот и Јелизовскиот округ, интензитетот достигнал пет степени.

— реклама —

Според податоците на камчатскиот огранок на Геофизичката служба на Руската академија на науките, епицентарот на земјотресот бил на копно, во Јелизовскиот округ, на 138 километри југоисточно од селото Уст-Болшерецк. Земјотресот бил регистриран на длабочина од 128 километри.

— реклама —

Службите за вонредни ситуации не добиле повици поврзани со потресот, а не е издадено ниту предупредување за опасност од цунами.