Силен земјотрес со јачина од 5,8 степени според Рихтеровата скала денеска го погоди полуостровот Камчатка на рускиот Далечен Исток, соопшти Европско-медитеранскиот сеизмолошки центар.
Според достапните податоци, епицентарот на потресот бил во Тихиот Океан, на длабочина од околу 33 километри и на околу 156 километри од градот Петропавловск-Камчатски.
Засега нема информации за повредени лица или материјална штета, а надлежните служби не издале предупредување за опасност од цунами.
Според сведоштва објавени на платформите за следење на земјотреси, жителите во поширокиот регион почувствувале нишање и тресење за време на потресот.
Камчатка важи за едно од сеизмички најактивните подрачја во светот, каде што често се регистрираат силни земјотреси поради судирот на тектонските плочи во регионот на Пацификот.
