Силно невреме ја погоди Словенија: Прекини во струјата и целосно запрен железничкиот сообраќај

Словенија се соочува со последиците од силното невреме што вчера го зафати централниот дел од земјата, при што соракано-ветерот, поројните врнежи и грмежите предизвикаа штети на инфраструктурата. Соборени дрвја оштетија делови од електричната мрежа, а на одделни места беше прекинат и железничкиот сообраќај.

— реклама —

Екипите на електродистрибуцијата веднаш излегоа на терен и отстранија голем дел од дефектите. Сепак, на некои локации сè уште се работи на целосно воспоставување на снабдувањето со електрична енергија.

— реклама —

Паднати дрвја на железничката мрежа предизвикаа целосен прекин на сообраќајот меѓу Литија и Трбовље. Словенечките железници организираа заменски автобуски превоз во двата правци, со постојки кај железничките станици во Литија, Сава, Загорје и Трбовље.

Од железницата ги предупредуваат патниците дека се можни доцнења и отстапувања од редовниот возен ред. Во заменските автобуси не е дозволен превоз на велосипеди и животни, со исклучок на кучиња водичи, службени кучиња и кучиња помошници.

— реклама —

Во меѓувреме, Словенечката агенција за животна средина издаде ново предупредување за централниот дел од земјата. Во наредниот период се можни нови локални невремиња со силни молњи, олуен ветер и обилни врнежи.

— реклама —

Надлежните предупредуваат дека ваквите временски услови можат да предизвикаат нагло зголемување на водостојот на поројните водотеци, како и појава на урбани поплави.