„Силно светнал ден“ на плоштад, „Црнила“ во Дебар Маало: жител на Дебар Маало реагира за уличното осветлување во населбата

Жител на Дебар Маало преку објава на „Фејсбук“ реагираше на состојбата со уличното осветлување во Дебар Маало, при што направи иронична споредба со случувањата на плоштадот.

— реклама —

„На плоштад „Силно светнал ден“, а во Дебар Маало „Црнила“. Нема улично осветлување на Орце; зошто, не знам, ама знам дека сите манијаци на две и четири тркала си ги слушаме, еве, две ноќи по ред, појако од вообичаено (можно е да!)“, напиша Трајковска.

— реклама —

Во објавата таа се осврна и на одбележувањето на 50-годишнината на Општина Центар, додавајќи дека Дебар Маало на свој начин „придонесува“ кон државната прослава.

— реклама —

„Дека 50 години слави Општина Центар, ама и придонесуваме кон државната прослава со „Црна се чума зададе“…“, стои во нејзината објава.

Инаку, станува збор за општинска улица, која е под ингеренции на Општина Центар. Со тоа, само општината каде градоначалник е Горан Герасимовски има контрола врз уличното осветлување.