Јаник Синер се пласираше во финалето на Мастерс турнирот во Мадрид и стана најмладиот тенисер во историјата кој стигнал до финале на сите девет турнири од оваа серија.
Првиот светски рекет го совлада Артур Фис со 6:2, 6:4 во полуфиналето и ја продолжи неверојатната серија од 27 последователни победи на Мастерс турнирите.
Пред него ваков успех имаа постигнато само Новак Ѓоковиќ, Рафаел Надал и Роџер Федерер, но тие до истиот подвиг дојдоа на постара возраст – на 25, 27 и 30 години, додека Синер тоа го направи веќе на 24.
Италијанскиот тенисер ќе го игра петтото последователно Мастерс финале, а противник во борбата за титулата ќе му биде Александар Зверев, против кого има позитивен биланс од 9-4 во меѓусебните дуели.
Доколку ја продолжи победничката серија, Синер може да стане првиот тенисер во историјата со пет последователни титули на Мастерс турнирите, со што дополнително би ја зацврстил својата доминација на светскиот тениски врв.
