Синер ќе биде подготвен за Вимблдон

Претседателот на Италијанската тениска федерација, Анџело Бинаги, смета дека раната елиминација на Јаник Синер од Ролан Гарос била последица на огромниот број натпревари и напорот што го вложувал во текот на сезоната.

— реклама —

Синер оваа година освои титули на сите мастерс-турнири на кои настапи, но во Париз доживеа неочекуван пораз од Хуан Мануел Серундоло. Италијанецот имаше предност од 2-0 во сетови и 5:1 во продолжението, но сепак дозволи целосен пресврт и беше елиминиран уште во второто коло.

— реклама —

„Премногу победуваше и премногу играше, така што, ако не се случеше тогаш, ќе се случеше неколку дена подоцна. Веќе во Рим беше во таква состојба, а против Медведев го спаси дождот“, изјави Бинаги.

— реклама —

И покрај физичките проблеми што ги имаше во Париз, Синер ги поминал неопходните лекарски прегледи и, според најавите, ќе биде подготвен за настап на претстојниот Вимблдон.

Италијанецот останува еден од главните фаворити на тревната подлога, а тениската јавност со нетрпение очекува да види дали ќе успее брзо да се врати по разочарувањето на Ролан Гарос.