Синер на УС Опен само под еден услов: Италијанецот не сака да ризикува

Учеството на светскиот тениски број еден, Јаник Синер, на претстојниот УС Опен и натаму е неизвесно поради проблемите со десното колено. Италијанецот, кој ја брани титулата во Њујорк, моментално продолжува со терапиите во Торино, а неговиот тим не сака да ризикува со неговото здравје.

— реклама —

Синер неодамна го пропушти турнирот во Синсинати токму поради повредата на коленото. По консултациите со лекарите, тој оцени дека сè уште не е подготвен за натпреварување, но најави дека фокусот му е насочен кон настапот на последниот гренслем-турнир во сезоната.

— реклама —

— реклама —

По прославата на 25-тиот роденден, Синер се вратил во Торино, каде продолжил со рехабилитацијата и тренинзите за да ја процени состојбата на коленото. Според „Газета дело Спорт“, третманот досега дал позитивни резултати, но конечната одлука ќе зависи од тоа дали ќе биде целосно подготвен.

Условот е јасен – Синер ќе отпатува за Њујорк само доколку биде целосно фит. УС Опен започнува на 30 август, па Италијанецот има ограничено време за да се опорави и да ја брани титулата.