Синер под лекарски надзор, но наскоро се очекува повторно на теренот

Најдобриот светски тенисер Јаник Синер во моментов се наоѓа во болницата „Сан Рафаеле“ во Милано, каде што ги продолжува претходно планираните медицински прегледи по здравствените проблеми што ги почувствува за време на овогодишниот Ролан Гарос.

— реклама —

Според информациите од Италија, Синер би можел да остане под надзор на лекарите уште неколку дена, со цел да ги заврши сите дијагностички испитувања и да се утврди причината за тегобите што го погодија во Париз.

— реклама —

Сепак, неговото враќање на терените се очекува веќе во среда, кога би требало да ги продолжи тренинзите во Монте Карло.

Италијанскиот тенисер нема да настапи на ниту еден турнир на трева пред почетокот на Вимблдон, а периодот до третиот грен-слем во сезоната ќе го искористи за закрепнување и подготовка.

— реклама —

По елиминацијата на Ролан Гарос, Синер неколку дена одмараше на Сардинија со својата девојка, а потоа направи дополнителни медицински прегледи во Торино и Милано.

Засега нема информации за посериозни компликации, а планот на неговиот тим останува непроменет – постепено враќање на тренинзите и максимална подготовка за настап на Вимблдон.