Скенирани возачки дозволи и адреси завршиле на сервери во Русија: Казна од 100 милиони евра

Холандската Управа за заштита на податоци денеска ја казни со 100 милиони евра компанијата МЛУ, која управува со апликацијата за превоз „Јанго“, поради наводен нелегален пренос на лични податоци на корисници во Русија.

— реклама —

Регулаторот соопшти дека компанијата МЛУ, холандска подружница на руската технолошка компанија „Јандекс“, наводно споделувала податоци на корисници од Норвешка и Финска со сервери во Русија без соодветна заштита, пренесе NL Times.

— реклама —

Според резултатите од истрагата, меѓу податоците кои наводно биле складирани во Русија се наоѓале скенирани возачки дозволи, домашни адреси и прецизни податоци за локацијата на корисниците и возачите.

Холандскиот регулатор наведе дека таквиот трансфер на податоци не е во согласност со европските правила за заштита на приватноста.

— реклама —

Компанијата МЛУ ги отфрли обвинувањата и најави жалба, тврдејќи дека податоците биле чувани во рамки на Европската Унија во шифрирана форма.

— реклама —

Случајот дополнително го насочи вниманието кон работењето на компанијата „Јандекс“, која и претходно се соочуваше со обвинувања за блиски врски со руските власти.