Триесет и едногодишен жител на Скопје бил пренесен во болница со повреди нанесени со остар предмет по физички напад што се случил на подрачјето на Бит Пазар.
Според информациите од Министерството за внатрешни работи, на 22 јуни 2026 година во 00:10 часот во СВР Скопје од Јавната здравствена установа „Св. Наум Охридски“ било пријавено дека кај нив со повреди од остар предмет бил донесен Г.Ј.(31) од Скопје.
Според пријавеното, нападот се случил околу 23:35 часот, кога Г.Ј. бил физички нападнат од неколку лица, меѓу кои и еден малолетник кој употребил остар предмет.
Од МВР информираат дека се преземаат мерки за целосно расчистување на случајот.
