Полициски службеници од СВР Скопје вчера лишиле од слобода 43-годишен жител на Скопје, осомничен дека предизвикал пожар во плевна со сено во селото Горно Оризари, скопско.
Од Министерството за внатрешни работи информираат дека на 23 јуни 2026 година, во 17:35 часот, на подрачјето на Бит Пазар бил приведен Д.У.(43) од Скопје, лице со здравствени проблеми, постапувајќи по претходна пријава дека предизвикал пожар во плевна со сено.
Во пожарот нема повредени лица, а екипа на Бригадата за противпожарна заштита Скопје интервенирала и го изгаснала огнот.
Од МВР соопштија дека по целосно документирање на случајот ќе биде поднесен соодветен поднесок.
