Скопјанка апелира за повеќе „Safe City“ камери во Аеродром: Булеварите по полноќ стануваат тркачка патека

Скопјанката Драгана Костиќ преку социјалните мрежи упати јавен апел до Министерството за внатрешни работи и надлежните институции, предупредувајќи на опасно и брзо возење на булеварите во близина на комплексот Џевахир Скај Сити.

Според нејзината објава, на потегот од крстот кај Џевахир кон Булевар „Србија“ речиси секоја вечер, особено по полноќ, се организирале трки со автомобили и мотори.

— реклама —

„Автомобили и мотори буквално ‘летаат’ по булеварот, без никаква контрола“, напиша Костиќ.

Таа посочува дека особено загрижува фактот што, според неа, често станува збор за малолетници кои управуваат со моќни мотори во доцните ноќни часови.

— реклама —

Во објавата наведува дека од 1 часот по полноќ до 5 часот наутро булеварите се претвораат во „тркачка патека“, при што, освен бучавата, сериозно е загрозена и безбедноста во сообраќајот.

— реклама —

Костиќ побара поставување и активирање камери на критичните точки, засилени полициски патроли во текот на ноќта, како и санкции за несовесно возење и мотори без регистарски таблици.

„Ова не е веќе прашање само на бучава, туку на безбедност и превенција пред да се случи трагедија“, наведува таа во апелот.

— реклама —