Скриената војна на Блискиот Исток: Саудиска Арабија возвратила на Иран

Саудиска Арабија наводно извршила тајни воздушни напади врз Иран како одговор на претходните ракетни и дронски напади врз кралството, тврдат двајца западни и двајца ирански официјални претставници.

— реклама —

Според наводите, нападите биле изведени кон крајот на март од страна на саудиските воздухопловни сили и претставуваат прв случај Ријад директно да преземе воена акција на иранска територија. Еден од западните претставници изјавил дека станува збор за „одмазднички удари“ по нападите врз Саудиска Арабија.

— реклама —

Во извештаите се наведува дека од почетокот на конфликтот Иран со ракети и дронови ги погодил сите шест земји од Советот за соработка на Заливот, таргетирајќи американски бази, аеродроми и нафтена инфраструктура, како и дека го затворил Ормускиот теснец, што предизвикало нарушувања во глобалната трговија.

Наводно, и Обединетите Арапски Емирати извршиле воени удари врз Иран, објави „Волстрит журнал“. Според извори, по нападите следувале интензивни дипломатски контакти меѓу Техеран и Ријад, по што двете страни се договориле за деескалација.

— реклама —

Ирански претставник потврдил дека целта на договорот била „прекин на непријателствата, заштита на заедничките интереси и спречување на натамошна ескалација“.

— реклама —

Во колумна за „Arab News“, поранешниот шеф на саудиската разузнавачка служба, принцот Турки ал-Фејсал, напишал дека раководството на кралството одлучило да „ги поднесе болките, предизвикани од соседот, за да ги заштити животите и имотот на своите граѓани“ и така да избегне „оган на уништување“.