Слаб снег на Попова Шапка, сообраќајот се одвива непречено

Сообраќајот на државните патишта во земјава се одвива непречено, по наместа влажни коловози, додека на Попова Шапка се бележат слаби врнежи со остатоци од кашест снег.

— реклама —

Интензитетот на сообраќај надвор од градските средини е умерен, а на граничните премини од македонска страна нема подолги задржувања за влез и излез од државата.

— реклама —

— реклама —

Од Авто-мото сојузот на Македонија апелираат возачите да ја прилагодат брзината на движење и да ја почитуваат поставената сообраќајна сигнализација. Посебна внимателност се препорачува на патиштата низ котлините, речните долини и клисурите, каде постои можност од појава на одрони, особено на делниците Катланово – Велес, Маврово – Дебар – Струга, Виница – Берово и Кочани – Делчево.

Воедно, потсетуваат дека поради сезонски режим на сообраќај, патниот правец Охрид – Ресен преку Националниот парк Галичица останува затворен за сите видови возила до 31 март 2026 година.